Një kafe me shokët e mi - Nga Zeqir Cama

E shijova këtë kafe, në kulm,

pa qënë kafepirës i thekur,

kokërrqejfi, s’arrihet më shumë,

as me mishin e kecit të pjekur.

 

S’është gjë e ngrëna me pije,

edhe qetë ripërtypen në grazhd,

filxhani i kafes ka hije,

kur e ndien kë ke në krahë.

 

Kush paguan... Kot bëjmë llafe,

kaq lekë askujt nuk i rënden,

edhe robi i këputur, me kafe,

i bën gjithë shokët, të dënden!

 

© Zeqir Cama