Qysh me fitu dashninë e ambasadorëve në Kosovë - Nga Enver Robelli

- Me i leju zgjedhjet e Serbisë në Kosovë.

- Me e pranu një “republikë serbe” brenda Kosovës.

- Me i pranu targat serbe të automjeteve.

- Me u dakordu që shtetasit e Kosovës nuk guxojnë me tregu as targa, as dokumente të Kosovës në kufi me Serbinë.

- Me ia falë Kishës serbe disa hektarë tokë.

- Me e pranu ekstraterritorialitetin e Kishës serbe në Kosovë.

- Mos me folë për krimet e luftës të Serbisë.

- Mos me folë për të zhdukunit.

- Mos me kërku dënimin e kriminelëve serbë të luftës.

- Mos me kërku vendosjen e një pllake përkujtimore në Batajnicë ku u gjetën gati 1000 kufoma viktimash civile të Kosovës.

- Mos me përmend kamionin me plot kufoma shqiptarësh të hedhur në Danub.

- Mos me nervozu Vuçiçin.

- Me pranu “Ballkanin e hapur” për interesa të Serbisë.

- Mos me kërku anëtarësim të Kosovës në organizata ndërkombëtare.

- Mos me kërku liberalizimin e vizave për kosovarë.

- Me lavdëru BE-në që ia ka heq vizat Serbisë si shpërblim për 4 luftra të ndezura në Ballkan, përfshirë gjenocidin në Srebrenicë.

- Dhe krejt në fund: kosovarët me i kërku falje ambasadorëve që janë të lirë dhe të gjallë.

Kur i pranon krejt këto, atëherë mundesh edhe me vjedh vendin dhe asgjë nuk ka me të ndodhë (siç e ka tregu historia...).

©Enver Robelli