Fahri Xharra: Troja e vërtetë është në Shkodër

Shkruan: Fahri Xharra

Është shumë e çuditshme se si serbët kanë fakte dhe kanë guxim të shkruajnë ato gjëra historike, që ne as që kemi guxuar t'i përmendim deri më sot. Ne, jo vetëm që nuk kemi guxim por edhe nuk dimë, edhe nuk na intereson që të zbardhim atë që për ne është thelbësore.

Njohja e së kaluarës e forcon të tanishmen dhe e përgatit si duhet t'ardhmen, por ne nuk ndajmë këtë mendim dhe atëherë vjen pyetja se si do të jetojmë shqip, po e ardhmja  jonë a do të jetë shqip dhe në cilët kufinj të historisë?
Ja pra, shkencëtari serb e gjen me fakte dhe në mënyrë shumë bindëse e shpjegon që Troja e vërtetë është në Shkodër dhe se Troja e Shlimanit është falsifikim. Ka shumë zëra që Shlimani ka gabuar shumë rëndë kur e thoshte që Troja është ai vendi që ai e zbuloi në bregdetin e Turqisë së sotme (Heinrich Schliemann Discovers the Ancient City of Troy (1871 – 1873).

Fjalën e kam për autorin serb Milutin Jaćimović-in, që me punën e tij ‘Troja në Shkodër’, vepër e cila u lexua në kongresin e historianëve në Shën Petersburg, u shpall anëtar me korrespondencë i Akademisë Ruse të Shkencave ne Shën Petersburg. Pra, vepër e madhe historike dhe vlerësim i madh nga ana e Akademisë.  (Shumë e vështirë është të zbulohen të vërtetat e pa ditura, por edhe shumë më vështirë është që ato të pranohen. E di një gjë që është njerzore, më lehtë i besohet një gënjeshtre të dëgjuar mijëra herë sesa një risije me një të vërtetë faktike).

Në librin e tij “Troja…” e botuar serbisht dhe rusisht, autori Milutin Jovanoviq tregon me fakte që Lufta e Trojës është kënduar edhe në “Iliadën“ dhe “Odisenë“ e Homerit dhe se ishte luftë shtetesh të vogla në Mesdhe dhe thellë në Ballkan. Me bindje të madhe e hedh poshtë teorinë e Shlimanit kur thotë se Troja dhe deti mund të shiheshin nga maja e maleve thrakase të Sharrit. Nga malet e Sharrit, nga Korabi mund të shihen edhe Bjeshkët e namura. Për “Trojën” e Shlimanit ai thotë që aty nuk është as një lumë i cili derdhet në det. Ai shpjegon se afër lumit të madh, që e cek edhe Homeri rrjedh edhe një lum më i vogël, pra Drini dhe Buna.

Drini dhe Buna lidhen në një rrjedhë, të cilat përmenden edhe në Iliadën e Homerit. Edhe një shpjegim për lumenjtë rreth Trojës; “Dihet që ngjalat e detit, kur lëshojnë vezët, e bëjnë këtë edhe në Mesdhe, dhe në Bunë.

Edhe lumi Zeta përmendet në “Iliadë” që sipas tij dikur quhej Esepi dhe lugina ku rrjedh Zeta sot, quhej Zelija. Nëse në “Iliadë” përmendet njolla e zezë e lumit, autori e shpjegon që këto janë algat, për shkak të rrjedhës së ngadalshme të lumit.

“Nëse Pajonët jetonin rreth Vardarit, pra është e vërtetë që në veriperëndim iu është Shkodra, një lloj ashtu si e këndon Homeri”. Burri i botës, Jovanoviqi na bind që edhe Dardania, nuk përkon me gjetjen e Shlimanit, sepse Dardania ka dalje në Adriatik.

Pra, ja ky ishte shpjegimi i gjetjes së Jovanoviqit. Por e vërteta e tij ka ngjyrë serbe edhe titulli i librit është: “Prava Troja je Srpska prestonica Skadar, Šlimanova Troja u Turskoj je falsifikat”. E kuptuat, “Troja e vërtetë ishte kryeqyteti i Serbisë, Shkodra”.

Edhe pak nga origjinali në serbisht: “Jaćimović je opovrgao oba krivotvorenja Bečko-berlinske istorijske škole. U svojoj nevelikoj knjizi: “Troja, srpska prestonica Skadar“, objavljena na srpskom i ruskom jeziku, uverljivo dokazuje da je Trojanski rat, opevan u Homerovoj „Ilijadi“ i „Odiseji“, bio obračun srpskih državica niklih na morskim obalama Sredozemlja i u dubini Balkana. On upućuje čitaoca, da nije moguće pronaći planinu u Hisarliku (gde je Šlimanova Troja), koja bi se mogla videti – zajedno s Trojom i morskom obalom, kako je to sve posmatrao, s Tračkog vrha (na Šar planini), Bog Posejdon “

Ne shqiptarët rrimë duarkryq, e presim ndonjë donaciaon të huaj që ta shkruajmë historinë serbe në tokat tona. Turp!

Burimi: revistadrini.info